網頁

2012年9月27日星期四

為何總是要揪政府後腿

近年來,政府官員更為明哲保身,多一事不如少一事;各方能人不敢當官,恐惹火焚身;真要做事的,很多時會被攻擊得體無完膚,諸事無成。

很多香港人的生活水平不進反退,和新加坡的發展比較,差異更為突出。

***************************************************
[東周網]  反國教反自駕 同一班友 東北大戰搞手起底

上周六新界東北開大片,一支白衫軍殺入諮詢會場反收地,同新界佬拳來腳往,現場亂過亂世佳人,乜諮詢都做唔成,波哥最後仲要落荒而逃。白衫軍今鋪搞局只係前奏,個party剛開始咋,政府仲有排頭痕!
表面睇,呢單嘢好似只係一班農友同村民爭權益,實情其實冇咁簡單,心水清老友一直留意事件發展,發現後面一班搞手熟口熟面,反國民教育、反自駕、反對清拆菜園村、反高鐵、反規劃,以至舉港英旗搞香港自治,都係同一班友,佢哋好似毛主席當年打游擊咁,周圍流竄,四處點火頭,連政黨都畀佢哋牽住鼻子走。

老友指,今次反東北發展嘅主腦係「土地正義聯盟」,呢個組織去年成立,前身係反高鐵大聯盟及菜園村關注組,核心成員包括以搞嘢為業嘅朱凱迪、「社運女神」葉寶琳、保衛皇后碼頭一戰成名嘅王浩賢、學運分子沈偉男、「革命教授」司徒薇、「反對被規劃」嘅陳劍青,以及社民連成員黃俊邦等。

呢班社運分子當年反高鐵搞到天下大亂,本來想守住菜園村做「革命基地」,但居民收到極筍賠償紛紛散水,班友唔想個party完,一年前轉戰新界東北,用當年搞菜園村事件嘅經驗,發動區內部分寮屋及非原居民小村落,照辦煮碗舉起「不遷不拆」旗幟,藉所謂保衛家園,反對東北發展,老友稱之為「輸出革命」。

呢班搞手不單止搞地區行動,亦係其他「運動」嘅旗手,例如「土地正義聯盟」大佬朱凱迪,半年前就搞咗次反自駕遊大遊行,表面上不滿內地汽車來港,其實利用呢個議題,反對「一國」同「中港秘密協議」,為本土運動造勢。遊行當日,反國民教育大聯盟發言人沈偉男亦係帶頭成員,呢次行動完咗冇耐,佢就轉移陣地去搞反國教。

早前反國教大聯盟佔領政府總部,出嚟見傳媒嘅發言人葉寶琳,亦係菜園村關注組成員,近期都有同朱凱迪去新界東北傳授「革命」經驗,國教之戰暫時停火後,佢就走去打東北保衛戰。呢位女士係嶺南大學文化研究碩士,○七年已參與保衛皇后碼頭,同另一搞手王浩賢結下「革命情緣」,其後又加入反高鐵大聯盟,去年副總理李克強訪港大掀起風波,佢有份發動批鬥徐立之大會,早前紀念六四遊行,佢同朱凱迪等人操去北角警署,更霸佔英皇道,結果被拉,上周六遭法庭判非法集會罪名成立,可能要入冊,可見佢搞社運十分勇猛,故得到「社運女神」稱號。

土聯另一執委陳劍青,負責帶領分支組織「反對香港被規劃行動組」,今次反新界東北發展,就係由佢打前鋒,大聲疾呼「屈」政府想搞深港合體,割地賣港,將新界東北送入大陸虎口,好有煽動力。

佢哋背後仲有一個組織網絡,順住追落去可以發現更深層關係。葉寶琳除咗參與反國教及反東北發展,本身亦係天主教正義和平委員會成員,呢個委員會直屬天主教香港教區,涉及各項社會運動,角色都幾微妙。

土地正義聯盟個別核心成員,亦同社民連有連繫,部分行動大家串連一齊搞,其執委王浩賢則係立法會會計界新當選議員梁繼昌嘅選舉經理。

近排有班友經常舉起港英旗幟示威,激到陳佐洱心痛,佢哋自起字頭叫「香港自治運動」,變相鼓吹香港獨立,今次土聯搞反對東北發展行動,呢個組織都有聲援,睇嚟將來有可能結盟。

朱凱迪等曾經想過入建制,年前土聯五個成員一齊參加區議會選舉,結果全線敗北,佢喺八鄉北參選,只得到二百八十幾票,少過新界佬對手零頭,可見佢哋聲大大,其實群眾基礎好薄弱。

***************************************************

2012年9月7日星期五

港人港地

***************************************************
【明報專訊】特首梁振英的房策重點「港人港地」政策終於出籠。梁振英昨日宣布,在勾地表內並將於明年首季賣地的兩幅啟德土地共1100個單位,加入「港人港地」限制條款於賣地章程中,即只准售予持香港永久性居民身分證的港人,為期30年,即單位在買入後30年內的轉手對象,都必須為本港永久居民。......
......
梁振英指出,除身分要求外,不想引入太多不必要限制,故沒計劃對買家資格如入息、是否首次置業或自住等設限。......
......

***************************************************

我去年6月寫了一篇建議政府推出香港居民住屋用地,基本上是港人港地,不過限制條件還要包括:
1)    每次轉售需繳交增值的50%作為資產增值稅(或補地價);
2)    每一個香港永久居民家庭只能擁有一個在港人港地上的單位,及不能出租。
以避免投資者炒賣或長期持有物業作收租用途。

在售地條款中加入以上的限制後,我估計建成的樓宇和沒有限制條款的一般私人樓宇的售價可能相差達三成

由於購買者可以用較低價格享用物業,而政府在售地時會少收款項(其後在轉售時可收取50%的價差作補償),因此在港人港地上的單位可視作變相的政府資助物業(vs 居屋),不過彈性較高,發展和售價都由市場決定。選擇的地點也不應在昂貴的豪宅區。

現時政府決定推出的港人港地,只限制由香港永久居民擁有(30年),並無特別針對投資者的條款,估計建成的樓宇售價不會比一般私人樓宇低出很多,對幫助香港人置業安居的作用還是不大。


***************************************************
2012-09-09
雖然我對在港人港地上的樓宇能降低的售價並無太大期望,但亦不會對現在的政策感到失望。

所謂欲速則不達,事緩則圓,在現時的政治氣候下,如果現在推出預期售價低達三成的港人港地政策,又會引發作為既得利益者的地產發展商的恐懼,在幕後策動反對勢力,製造種種理由藉口,以圖推翻政策,又一次社會動盪,再傷社會元氣。

現時政府最重要是加大土地供應,只要未來的各類房屋持續推出,基於供求定律,整體價格自然會下調,那時大家對港人港地的看法又會改變,正如在2002-2003年時政府叫停各類土地及房屋供應(孫九招)時,又有多少人提出反對?